Tilgangur

Markmið öryggisstefnu þessarar er að tryggja öryggi í meðferð og geymslu upplýsinga jafnframt því að tryggja samfelldan rekstur og þjónustu Símafélagsins gagnvart viðskiptavinum þess og birgjum.   Verja þarf öll gögn fyrir ógnum, ytri og innri, hvort sem er vegna innbrota, þjófnaðar, óhappa eða slysni. Opinber öryggisstefna Símafélagsins er mikilvæg til að fullvissa starfsmenn og viðskiptavini Símafélagsins um heilindi og rétt vinnubrögð í rekstri fyrirtækisins.

Umfang

Öryggisstefnan tekur til allrar starfsemi Símafélagsins. Hún tekur til umgengni og vistunar allra upplýsinga á hvaða formi sem er og á hvaða miðli sem er. Stefnan tekur til allra samskipta Símafélagsins, starfsmanna, viðskiptavina, samstarfsaðila og birgja.   Hún tekur einnig til hvers konar skráningar, vinnslu, samskipta, dreifingar, geymslu, afritunar og eyðingar upplýsinga. Öryggisstefnan tekur jafnframt til húsnæðis og búnaðar þar sem upplýsingar eru meðhöndlaðar eða vistaðar sem og starfsmanna og samningsbundinna viðskiptavina sem hafa aðgang að upplýsingum.

Vísun í lög og reglugerðir

Starfsemi Símafélagsins er í samræmi við lög um fjarskipti 2003 nr. 81 26. mars með síðari endurskoðunum og breytingum.  Öryggisstefna þessi er birt á heimasíðu Símafélagsins í samræmi við tilmæli í 28. grein reglna nr 1222 um vernd upplýsinga í almennum fjarskiptanetum.

Stefna

Tryggja skal að eftirfarandi atriði varðandi vernd og meðferð upplýsinga séu höfð að leiðarljósi í öllum rekstri Símafélagsins

1. Upplýsingar séu réttar og aðgengilegar þeim sem aðgangsrétt hafa þegar þörf er á.

2. Trúnaðarupplýsingar séu óaðgengilegar óviðkomandi og varðar gegn skemmdum, eyðingu eða uppljóstrun til aðila sem hafa ekki aðgangsrétt hvort sem er af ásetningi eða gáleysi.

3. Leynd upplýsinga og trúnaði sé viðhaldið.

4. Upplýsingar berist ekki óviðkomandi af ásetningi eða gáleysi.

5. Upplýsingar séu varðar gegn þjófnaði, eldi, náttúruhamförum o.þ.h.

6. Upplýsingar séu varðar gegn skemmdum og eyðingu af völdum tölvuveira.

7. Alltaf séu til áreiðanleg og örugglega varðveitt afrit af helstu gögnum og hugbúnaðarkerfum.

8. Upplýsingar sem fara um net komist til rétts viðtakanda ósködduð og á réttum tíma, þess sé gætt að þau fari ekki til annarra.

9. Áætlanir séu gerðar um samfelldan rekstur, þeim sé viðhaldið og þær prófaðar eins og kostur er.

10. Frávik, brot eða grunur um veikleika í upplýsingaöryggi séu tilkynnt og rannsökuð. Leiki grunur á að um refsivert athæfi sé að ræða skal það tilkynnt sérstaklega og rannsakað í samstarfi við þar til bær yfirvöld.

Ofangreint skal tryggt með eftirfarandi hætti :

1. Halda skal skrá yfir upplýsingaeignir og flokka þær eftir mikilvægi leyndar, réttleika og tiltækileika.

2. Halda áhættu innan ásættanlegra marka með því að búa til og fylgja ferlum og vinnuaðferðum er snúa að meðferð upplýsinga m.a. framkvæma áhættumat með reglubundnum hætti.

3. Fylgja og hlíta lögum og reglugerðum sem um starfsemina gilda.

4. Fylgja öllum samningum sem fyrirtækið er aðili að og varða upplýsingaöryggi.

5. Allir starfmenn Símafélagsins fái þjálfun og fræðslu varðandi upplýsingaöryggi og ábyrgð þeirra hvað varðar upplýsingaöryggi.

Tryggja skal öryggan og samfelldan rekstur fjarskiptakerfa Símafélagsins.   Leitast skal við að tryggja að uppitími lykil grunnkerfa sé að lágmarki 99,5% á ársgrundvelli og að samfelldur niðritími sé ekki meiri en 8 klst. í hverju rofi.    Meðal endurreisnartími lykilkerfa skal ekki vera lengri en 6 klukkustundir og tryggja skal að lykilkerfi séu tvöföld að uppbyggingu bæði hvað varðar búnað og tengingar.

Tryggja skal gæði fjarskipta um kerfi Símafélagins með þeim hætti að nýting lykilkerfa fari aldrei umfram 80% á hámarksálagstímum án þess að sett sé fram tímasett áætlun um afkastaaukningu og vinna hafin samkvæmt henni.

Ábyrgð

Stjórn og framkvæmdastjóri Símafélagsins bera ábyrgð á því að öryggisstefnu þessari sé fylgt í allri starfsemi félagsins og að starfsmenn, fyrirtæki og verktakar sem starfa í umboði Símafélagins séu upplýstir um hana og sé bindandi fyrir þá.

Athugasemdir

Koma skal athugasemdum við öryggistefnu þessa og tilkynningum sem hana varða á framfæri í síma 415-1500, bréfleiðis til Símafélagins, Stórhöfða 23, 110 Reykjavík eða á póstfangið simafelagid@simafelagid.is.

Endurskoðun

Öryggisstefnu þessa skal endurskoða í tengslum við allar meiriháttar breytingar á rekstri eða rekstrarumhverfi Símafélagsins en þó aldrei sjaldnar en árlega.   Stjórn félagsins skal sjá til þess að viðhalda réttleika öryggisstefnunnar og hafa frumkvæði að reglulegri endurskoðun.

Öryggisstefna þessi var samþykkt af stjórn Símafélagsins á stjórnarfundi þann 9. mars 2012.

Tilkynningar til viðskiptavina

Tilkynningar vegna bilana, vinnu við sambönd eða búnað á vegum Símafélagins og hvers kyns rof á þjónustu eru sendar viðskiptavinum í tölvupósti og í SMS skeytum í samræmi við óskir viðskiptavina þar að lútandi. Tilkynningar eru sendar á þau póstföng og símanúmer sem eru á skrá hjá Símafélaginu. Við upphaf þjónustu munu starfsmenn Símafélagsins skrá einn eða fleiri tengiliði á vegum viðskiptavinar sem hafa skal samband við með þessum hætti og er hægt að óska eftir breytingum á þessum skráningum með því að hafa samband við þjónustuborð Símafélagsins.

Tilkynnt skal um bilanir eins fljótt og auðið er eftir að bilunar verður vart og starfsmenn Símafélagsins hefja vinnu við bilanagreiningu og viðgerð. Tilkynna skal um framvindu með reglubundnum hætti.

Tilkynnt skal um vinnu við miðlæg sambönd eða búnað á vegum Símafélagsins með að lágmarki eins dags fyrirvara.

Tilkynnt skal um yfirvofandi hættu á þjónusturofi vegna utanaðkomandi aðstæðna eins og flóða, eldgosa, jarðskjálfta, verkfalla eða annarra atvika sem haft geta áhrif á virkni fjarskiptaneta Símafélagsins eins fljótt og auðið er eftir að slíkar aðstæður skapast.

Uppitími þjónustu

Símafélagið leitast við að tryggja að lágmarki 99,5% uppitíma þjónustu í hverjum reikningsmánuði. Fyrirfram ákveðin viðhaldsvinna sem tilkynnt hefur verið um í samræmi við þar að lútandi verklagsreglur er undanþegin útreikningi á uppitíma þjónustu í hverjum mánuði.

Pakkatap á gagnatengingum  (e. packetloss)

Símafélagið ábyrgist að pakkatap fari ekki yfir 0.2% á tengingu viðskiptavinar. Fari pakkatap yfir þau mörk mun Símafélagið leita allra leiða til þess að ráða bót þar á. Ef umferð á tengingu viðskiptavinar er umfram skilgreind afköst tengingar og pakkatap orsakast af þeim völdum þá er það á ábyrgð viðskiptavinar að gera viðeigandi ráðstafanir.

Sendingartími gagna (e. roundtrip time)

Sendingartími gagna báðar leiðir enda á milli á tengingum viðskiptavinar skal ekki vera umfram eftirfarandi viðmið (gert er ráð fyrir tengingu um ljósleiðara en ef um DSL tengingu er að ræða bætast 18 ms við neðangreind gildi) :

• Höfuðborgarsvæði : 5 ms
• Nærsveitir höfuðborgarsvæðis (<100 km fjarlægð) : 15 ms
• Landsbyggð (>100 km fjarlægð) : 25 ms

Sendingartími gagna er sá meðaltími sem tekur IP umferð að ferðast frá stað A til staðar B og aftur til staðar A yfir einnar klukkustundar tímabil. Ef sendingartími á tengingu viðskiptavinar fer yfir ofangreind viðmið mun Símafélagið leita allra leiða til þess að ráða bót þar á.

Flökt á sendingartíma (e. Jitter)

Flökt á sendingartíma gagna skal ekki vera umfram eftirfarandi viðmið (gert er ráð fyrir tengingu um ljósleiðara en ef um DSL tengingu er að ræða bætast 5 ms við neðangreind gildi) :

• Höfuðborgarsvæði : 5 ms
• Nærsveitir höfuðborgarsvæðis (<100 km fjarlægð) : 10 ms
• Landsbyggð (>100 km fjarlægð) : 15 ms

Flökt á sendingartíma er mælt sem meðalgildi yfir hverja klukkustund. Ef flökt á sendingartíma á tengingu viðskiptavinar fer umfram ofangreind viðmið mun Símafélagið leita allra leiða til þess að ráða bót þar á.

Meðhöndlun bilana

Hægt er að tilkynna um bilanir með tölvupósti eða í síma. Bilanagreining og viðgerðir eru framkvæmdar eins fljótt og auðið er í samræmi við tegund og alvarleika bilana eins og fram kemur í eftirfarandi töflu.

Undantekningar

Veruleg frávik geta orðið frá þjónustuviðmiðum vegna eins eða fleiri af eftirfarandi þáttum:

• Náttúrhamfara eða meiriháttar atburða sem ekki verður við ráðið (e. force majeure) s.s. stríðsástands, skemmdarverka, elds, flóða, verkfalla, viðskiptabanna og skertrar getu til eðlilegrar starfsemi af fyrrgreindum völdum.
• Reglubundins viðhalds sem tilkynnt hefur verið með eðlilegum fyrirvara
• Athöfnum eða gáleysi viðskiptavinar eða þriðja aðila sem starfar í hans umboði sem leiðir til þjónusturofs.
• Þjónusturof á heimtaug sem rekja má til framkvæmda þriðja aðila s.s. uppgraftar, boranna eða sprenginga.

Hraðapróf

Hraðapróf Símafélagsins mælir hraða til og frá vélinni þinni að netmiðju Símafélagsins með því að hlaða niður 4 mbit skrá og senda hana svo aftur til baka. Hraðaprófið tekur yfirleitt um 30 sekúndur en getur þó tekið skemmri eða lengri tíma eftir bandvídd tengingar. Athugið að smæsta tenging á leiðinni ræður niðurstöðum þannig að niðurstöður geta verið misvísandi á vélbúnaði sem er t.d. tengdur yfir lághraða þráðlaust net.

Framkvæma hraðapróf

Atburðaskrá

Unnið er að viðgerð.

Bilun varð í símstöð í miðbæ sem olli rofi á símaþjónustu fyrir stóran hluta viðskiptavina milli kl 18:15 og 18:25. Símaþjónusta var komin á fyrir stærstan hluta viðskiptavina 10 mínútum síðar eða um 18:25. Viðgerð var að fullu lokið kl 18:55

Vegna bilunar í línuspjaldi í ADSL búnaði í Miðbæ þá voru nokkrir viðskiptavinir án net og símasambands.

Skilmálar fjarskiptaþjónustu Símafélagsins

1. gr. Almennt

1. Skilmálar þessir gilda um alla fjarskiptaþjónustu, síma og/eða netþjónustu, sem viðskiptavinur fær afhenta frá Símafélaginu ehf (Hér eftir nefnt Símafélagið). Við áskrift skuldbindur viðskiptavinur sig til þess að hlíta þeim skilmálum sem Símafélagið setur um kjör og notkun þjónustunnar.
2. Geri viðskiptavinur sérstakan samning um fjarskiptaþjónustu, s.s. um fyrirtækjaþjónustu, gilda ákvæði þess samnings umfram ákvæði þessara skilmála.
3. Símafélagið áskilur sér rétt til að færa þjónustu viðskiptavinar á milli tæknilegra rekstrarkerfa sé þess þörf.
4. Heimilt er að synja aðila fyrirfram um reikningsviðskipti ef viðskiptavinur er á vanskilaskrá Símafélagsins eða á öðrum almennum vanskilaskrám, s.s. ef gert hefur verið árangurslaust fjárnám hjá viðkomandi, hann misst forræði á búi sínu eða af sambærilegum ástæðum. Símafélagið  hefur heimild til þess að fara fram á að viðskiptavinur leggi fram tryggingu fyrir öllum gjöldum vegna notkunar á þjónustu. Sama gildir um hvers konar félög og samtök ef svo háttar til um forsvarsmenn viðkomandi félags eða samtaka.
5. Skilmálar þessir teljast samþykktir og gagnkvæmur samningur kominn á ef eitthvert af eftirfarandi skilyrðum hefur verið uppfyllt:
   1. Viðskiptavinur hefur samþykkt kaup á þjónustu
   2. Viðskiptavinur hefur hafið notkun á þjónustu
   3. Viðskiptavinur hefur tekið á móti áskriftarbúnaði

2. gr. Notkun

1. Sá viðskiptavinur sem er skráður fyrir þjónustu Símafélagsins ber fulla ábyrgð á notkun búnaðar og þjónustu Símafélagsins.
2. Viðskiptavinur ber ábyrgð á að notkun þjónustu sé í samræmi við gildandi lög og reglugerðir á hverjum tíma.
3. Til þess að tryggja öryggi í gagnaflutningum og talþjónustu áskilur Símafélagið sér rétt til að takmarka þjónustu viðskiptavinar ef notkun hans veldur truflun á virkni kerfisins.
4. Viðskiptavini er óheimilt að trufla, skerða eða á annan hátt hafa áhrif á notkun annarra viðskiptavina, t.d. með fjöldapóstsendingum eða óhóflegum gagnaflutningum.
5. Ekki er heimilt að endurselja þjónustu Símafélagsins nema með skriflegu leyfi frá Símafélaginu. Undir þetta fellur endursala á erlendu gagnamagni, starfræksla á internetþjónustu til annarra aðila utan skráðs notkunarstaðar og umflutningur á símtölum þriðja aðila í gegn um kerfi Símafélagsins.

3. gr. Tækjabúnaður

1. Noti viðskiptavinur ekki sinn eigin búnað til að tengjast kerfi Símafélagsins, fæst búnaðurinn leigður frá Símafélagsins. Leiguverð er greitt samkvæmt verðskrá hverju sinni.
2. Símafélagið áskilur sér rétt til að skoða og yfirfara búnaðinn hvenær sem er á samningstímanum.
3. Óheimilt er að breyta búnaði eða taka í sundur búnað í eigu Símafélagsins.
4. Viðskiptavinur ber ábyrgð á búnaði Símafélagsins á meðan hann er í útleigu. Skemmist búnaður á samningstímanum, skal viðskiptavinur greiða Símafélaginu fyrir viðgerð eða kaup á nýjum búnaði.
5. Sé búnaðinum eða hluta hans stolið, ber viðskiptavini að tilkynna Símafélaginu um þjófnaðinn. Símafélagið áskilur sér rétt til að fá afrit af lögregluskýrslu vegna þjófnaðarins. Ef skýrsla er ekki fyrir hendi skal viðskiptavinur greiða Símafélaginu sem nemur kostnaðarverði búnaðarins.
6. Útleigðum búnaði skal skilað til Símafélagsins við uppsögn þjónustu. Sé búnaði ekki skilað, áskilur Símafélagið sér rétt til að krefja viðskiptavin um andvirði búnaðar auk umsýslukostnaðar skv. gildandi verðskrá Símafélagsins.

4. gr. Greiðsluskilmálar

1. Mánaðargjöld þjónustu eru greidd fyrsta hvers mánaðar til Símafélagsins
2. Sé reikningur greiddur eftir eindaga, ber viðskiptavin að greiða dráttarvexti frá gjalddaga til greiðsludags auk kostnaðar við innheimtu skv. gildandi verðskrá Símafélagsins.
3. Athugasemdir skulu gerðar við útgefna reikninga án tafar og eigi síðar en á eindaga. Ella telst reikningur samþykktur.
4. Símafélagið áskilur sér rétt til að loka fyrir þjónustu 30 dögum eftir að viðskiptavini hefur verið tilkynnt um vanskil.

Skilmálar fjarskiptaþjónustu Símafélagsins

5. gr. Annað

1. Uppsögn á þjónustu miðast við mánaðarmót og skal hafa borist Símafélaginu með skriflegum hætti a.m.k. 10 dögum fyrir mánaðarmótin sem uppsögn skal taka gildi.
2. Verði viðskiptavinur fyrir þjónusturofi vegna bilana í kerfi Símafélagsins, getur viðskiptavinur átt rétt á afslætti af mánaðarverði sem nemur, að hámarki, þeim tíma sem þjónusturof á sér stað.
3. Símafélagið ábyrgist hvorki tjón sem skapast vegna notkunar viðskiptavinar eða þriðja manns á þjónustu Símafélagsins né tjón sem búnaður þess kann að valda. Þá ábyrgist Símafélagið heldur ekki tjón sem stafar af óviðráðanlegum orsökum (e. force majeure), s.s. vegna lagaboða, aðgerða stjórnvalda, verkfalls eða annarra slíkra aðstæðna.
4. Símafélagið áskilur sér rétt til að senda viðskiptavinum póst og tölvupóst er varða þjónustuna.
5. Símafélagið áskilur sér rétt til verðbreytinga og breytinga á skilmálum þessum. Breytingar skulu tilkynntar á vefsíðu Símafélagsins (www.simafelagid.is) með minnst mánaðar fyrirvara.
6. Brot á þessum samningi getur valdið tafarlausri lokun á þjónustu.
7. Öll mál, sem rísa kunna af notkun á þjónustu Símafélagsins skulu, nema á annan veg sé samið, fara eftir íslenskum lögum. Rísi mál vegna brota á samningi þessum má reka það fyrir Héraðsdómi Reykjavíkur.